Галоўная / Навіны / Навіны рэгіёна

Цэнтры народнай творчасці Віцебска і Смаленска падпісалі пагадненне аб супрацоўніцтве

04.04.2019

Цэнтры народнай творчасці Віцебска і Смаленска падпісалі пагадненне аб супрацоўніцтве, паведамілі карэспандэнту БЕЛТА ў Віцебскім абласным метадычным цэнтры народнай творчасці.

Дакумент, падпісаны 2 красавіка ў Віцебску кіраўнікамі дзвюх устаноў культуры тэрмінам на пяць гадоў, прадугледжвае правядзенне абменных выставак, сумесных навукова-практычных канферэнцый, розных творчых праектаў, удзел у значных культурных падзеях рэгіёнаў, аб'яднанне намаганняў па рэканструкцыі народнага строю і іншых напрамках дзейнасці.

Важнай часткай мерапрыемства, прымеркаванага да святкавання Дня яднання народаў Беларусі і Расіі, стала адкрыццё выстаўкі смаленскіх майстроў у Віцебскім абласным метадычным цэнтры народнай творчасці. У экспазіцыю "Майстэрства на ўсе часы" ўвайшло каля 70 работ, прысвечаных Смаленску. Шырока прадстаўлены разьба па дрэве, лозапляценне, мастацкія вырабы з бяросты, аўтэнтычныя рушнікі, кераміка з фондаў Смаленскага музея-запаведніка, у тым ліку свістулькі і артэфакты, знойдзеныя ў час раскопак. "Стылі вырабу работ маюць яркія адметныя рысы, таму знаёмства з гэтай выстаўкай будзе цікава як шырокаму гледачу, так і майстрам народнай творчасці", - адзначылі ў цэнтры.

Наведаць выстаўку можна да 22 красавіка.

Новости Беларуси (БЕЛТА)


2024 - год якасцi Праект “Адкрыты кінаархіў. Гэты дзень мы набліжалі як маглі» Увекавечанне памяці абаронцаў Айчыны і ахвяр вайны Ліцэнзаванне адукацыйнай дзейнасці Працаўладкаванне моладзі ў вольны ад вучобы час Анлайн-перамовы Лічбавая бяспека ў Інтэрнеце Прадпрымальнік года Віцебскі аблвыканкам Інвестыцыйная пляцоўка Витебские вести Рэдакцыя раённай газеты "Лепельскі край" Камісія па каардынацыі работы па садзейнічанні занятасці насельніцтва Лепельскага раёна ДУА "Інстытут пагранічнай службы Рэспублікі Беларусь" Прафілактыка хатняга гвалту Біяметрычныя дакументы Рэспублікі Беларусь Федэрацыя прафсаюзаў Беларусі Віцебскае абласное ўпраўленне Дзяржпрамнагляду Сацыяльная рэклама Свабодная эканамічная зона "Віцебск"
Адзіны дзяржаўны рэгістр
Міністэрства па падатках і зборах Рэспублікі Беларусь
Адзіны партал электронных паслуг