Галоўная / Навіны / Навіны рэгіёна

Вытворчасць паліўных пелет з ільнокастрыцы запушчана ў Оршы

22.01.2020

КУП "Оршацепласеткі" запусціла вытворчасць паліўных пелет з ільнокастрыцы, паведаміў карэспандэнту БЕЛТА дырэктар прадпрыемства Пётр Гішкелюк.

Праект рэалізаваны па ўказе нумар 506 "Аб развіцці Аршанскага раёна" за кошт уласных сродкаў прадпрыемства і прыцягнутых крэдытаў банкаў. Аб'ём інвестыцый склаў звыш Br320 тыс. Абсталяванне літоўскага вытворцы ўстаноўлена ў рэканструяваным цэху на базе былога будынка завода жалезабетонных вырабаў. Магутнасць лініі складае да 1,5 т прадукцыі ў гадзіну. У далейшым ёсць магчымасць павысіць яе прадукцыйнасць у два разы. Сыравіну прадпрыемства мае намер набываць на Арэхаўскім, Дубровенскім (Віцебская вобласць), Горацкім і Шклоўскім (Магілёўская вобласць) ільнозаводах, якія размешчаны ў радыусе 50 км.

"Абсталяванне працуе з першых чысел студзеня пакуль у адназменным рэжыме. За гэты час мы правялі яго абкатку, зрабілі пашпарт якасці прадукцыі. Цяпер рыхтуецца поўны пакет дакументаў, неабходных для вываду прадукцыі на экспарт", - адзначыў Пётр Гішкелюк.

Для забеспячэння ўласных патрэбнасцей прадпрыемству неабходна 200-210 т пелет у месяц. З улікам таго, што магчымасці абсталявання дазваляюць выпускаць штомесяц да 300 т прадукцыі пры двухзменным рэжыме работы, "Оршацепласеткі" шукае патэнцыяльных партнёраў, у тым ліку замежных, для рэалізацыі астатняга аб'ёму. "Пелеты з ільнокастрыцы з'яўляюцца экалагічна чыстым відам прадукцыі, а таму могуць выкарыстоўвацца ў якасці туалетных напаўняльнікаў і экаподсцілу для жывёл. Мы разглядаем гэты напрамак як альтэрнатыўны, тым больш што для яго арганізацыі не патрабуецца істотных затрат. Цікавасць да нашай прадукцыі праявіла ўжо адно з дацкіх прадпрыемстваў", - дадаў кіраўнік.

Рэалізацыя інвестпраекта дала магчымасць аршанскаму прадпрыемству стварыць пяць рабочых месцаў, а таксама знізіць сабекошт затрат на паліва для кацельняў, якія ўваходзяць у яго склад.


2024 - год якасцi Праект “Адкрыты кінаархіў. Гэты дзень мы набліжалі як маглі» Увекавечанне памяці абаронцаў Айчыны і ахвяр вайны Ліцэнзаванне адукацыйнай дзейнасці Працаўладкаванне моладзі ў вольны ад вучобы час Анлайн-перамовы Лічбавая бяспека ў Інтэрнеце Прадпрымальнік года Віцебскі аблвыканкам Інвестыцыйная пляцоўка Витебские вести Рэдакцыя раённай газеты "Лепельскі край" Камісія па каардынацыі работы па садзейнічанні занятасці насельніцтва Лепельскага раёна ДУА "Інстытут пагранічнай службы Рэспублікі Беларусь" Прафілактыка хатняга гвалту Біяметрычныя дакументы Рэспублікі Беларусь Федэрацыя прафсаюзаў Беларусі Віцебскае абласное ўпраўленне Дзяржпрамнагляду Сацыяльная рэклама Свабодная эканамічная зона "Віцебск"
Адзіны дзяржаўны рэгістр
Міністэрства па падатках і зборах Рэспублікі Беларусь
Адзіны партал электронных паслуг