Галоўная / Навіны / Навіны рэспублікі

Тэхнічны камітэт па стандартызацыі ў галіне дрэваапрацоўкі і мэблі створаны ў Беларусі

16.01.2020

У Беларусі па ініцыятыве "Беллеспаперапрама" створаны тэхнічны камітэт па стандартызацыі "Мэбля і дрэваапрацоўка", паведаміла БЕЛТА прэс-сакратар канцэрна Ружэна Навіцкая.

Узначаліў камітэт намеснік старшыні "Беллеспаперапрама" Міхаіл Касько. У склад камітэта ўвайшлі эксперты з канцэрна, Беларускага дзяржаўнага інстытута стандартызацыі і сертыфікацыі, Беларускага дзяржаўнага тэхналагічнага ўніверсітэта, РУП "Слуцкі цэнтр стандартызацыі, метралогіі і сертыфікацыі", праектна-тэхналагічнага бюро мэблі ААТ "Мінскпраектмэбля", а таксама прадстаўнікі прадпрыемстваў - вытворцаў мэблі.

Мэтай стварэння камітэта з'яўляецца распрацоўка дзяржстандартаў, тэхнічных кодэксаў існуючай практыкі, міждзяржаўных стандартаў у рамках міждзяржаўных тэхнічных камітэтаў, а таксама стварэнне ўмоў для ўдзелу ў працэсе стандартызацыі ўсіх зацікаўленых суб'ектаў тэхнічнага нарміравання і стандартызацыі.

У ліку асноўных задач - разгляд і выпрацоўка прапаноў, накіраваных на правядзенне адзінай навукова-тэхнічнай палітыкі па тэхнічным нарміраванні і стандартызацыі ў галіне дрэваапрацоўчай і мэблевай прамысловасці; арганізацыя распрацоўкі, падрыхтоўка да зацвярджэння праектаў, абгрунтаванне пераглядаў, змянення або адмены тэхнічных нарматыўных прававых актаў у галіне тэхнічнага нарміравання і стандартызацыі; правядзенне работ па міждзяржаўнай, міжнароднай (рэгіянальнай) стандартызацыі па замацаванай сферы дзейнасці камітэта.

Для забеспячэння ўключэння ў ТНПА сучасных патрабаванняў, уліку інтарэсаў карыстальнікаў да работы ў камітэт будуць прыцягвацца вядучыя спецыялісты зацікаўленых органаў дзяржаўнага кіравання, арганізацый у галіне вытворчасці, навукі, тэхнікі, эканомікі і кіравання.

Камітэт будзе ўзаемадзейнічаць з міждзяржаўнымі тэхнічнымі камітэтамі па стандартызацыі і міжнароднымі арганізацыямі, якія ажыццяўляюць дзейнасць у сферы стандартызацыі мэблі і прадукцыі дрэваапрацоўчай прамысловасці.


2024 - год якасцi Праект “Адкрыты кінаархіў. Гэты дзень мы набліжалі як маглі» Увекавечанне памяці абаронцаў Айчыны і ахвяр вайны Ліцэнзаванне адукацыйнай дзейнасці Працаўладкаванне моладзі ў вольны ад вучобы час Анлайн-перамовы Лічбавая бяспека ў Інтэрнеце Прадпрымальнік года Віцебскі аблвыканкам Інвестыцыйная пляцоўка Витебские вести Рэдакцыя раённай газеты "Лепельскі край" Камісія па каардынацыі работы па садзейнічанні занятасці насельніцтва Лепельскага раёна ДУА "Інстытут пагранічнай службы Рэспублікі Беларусь" Прафілактыка хатняга гвалту Біяметрычныя дакументы Рэспублікі Беларусь Федэрацыя прафсаюзаў Беларусі Віцебскае абласное ўпраўленне Дзяржпрамнагляду Сацыяльная рэклама Свабодная эканамічная зона "Віцебск"
Адзіны дзяржаўны рэгістр
Міністэрства па падатках і зборах Рэспублікі Беларусь
Адзіны партал электронных паслуг