Галоўная / Навіны / Навіны рэспублікі

У Беларусі распрацаваны праект указа аб укараненні электроннай сістэмы ўліку драўніны

17.03.2020

У Беларусі распрацаваны праект указа аб паэтапным укараненні электроннай сістэмы ўліку драўніны, паведаміла журналістам прэс-сакратар Міністэрства лясной гаспадаркі Настасся Дакучаева, перадае карэспандэнт БЕЛТА.

На працягу некалькіх гадоў Міністэрства лясной гаспадаркі вядзе планавую распрацоўку адзінай дзяржаўнай аўтаматызаванай інфармацыйнай сістэмы ўліку драўніны і здзелак з ёй (АДАІС). Гэта даручэнне даў Прэзідэнт. "Да 1 студзеня 2021 года мы павінны распрацаваць гэту сістэму і ў выпадку яе эканамічнай эфектыўнасці ўкараніць на тэрыторыі ўсёй краіны. Пры яе распрацоўцы, безумоўна, цікавімся меркаваннем грамадскасці, бізнесу. Бачым, што сёння не ўсе нашы калегі гатовы з 1 студзеня ў адзін момант перайсці на работу ў новых умовах. Зыходзячы з гэтага, распрацавалі праект указа, які прадугледжвае паэтапнае ўкараненне электроннай сістэмы ўліку драўніны", - сказала Настасся Дакучаева.

Калі ўказ будзе прыняты, да канца 2021 года сістэма запрацуе па ўсёй краіне. "Гэта дазволіць нашай краіне эканамічна рацыянальна падысці да гэтага працэсу", - адзначыла прэс-сакратар. На думку Мінлясгаса, такі падыход будзе больш зручным для бізнесу і работнікаў лясной гаспадаркі.

Доследны ўзор сістэмы распрацаваны, і Уздзенскі лясгас ужо некалькі месяцаў тэсціруе яго. "Бачым, што гэты ўзор дзейсны. У чацвёртым квартале бягучага года можам яго ўводзіць у прамысловую эксплуатацыю", - адзначыла Настасся Дакучаева.

Да канца сакавіка яшчэ два лясгасы (Гродзенскі і Драгічынскі) таксама пачнуць тэсціраваць доследны ўзор. Плануецца, што з красавіка да гэтага працэсу падключацца яшчэ тры лясгасы - Талачынскі, Буда-Кашалёўскі доследны і Асіповіцкі доследны. Такім чынам, электронная сістэма ўліку драўніны будзе адпрацавана на базе шасці лясгасаў.


2024 - год якасцi Праект “Адкрыты кінаархіў. Гэты дзень мы набліжалі як маглі» Увекавечанне памяці абаронцаў Айчыны і ахвяр вайны Ліцэнзаванне адукацыйнай дзейнасці Працаўладкаванне моладзі ў вольны ад вучобы час Анлайн-перамовы Лічбавая бяспека ў Інтэрнеце Прадпрымальнік года Віцебскі аблвыканкам Інвестыцыйная пляцоўка Витебские вести Рэдакцыя раённай газеты "Лепельскі край" Камісія па каардынацыі работы па садзейнічанні занятасці насельніцтва Лепельскага раёна ДУА "Інстытут пагранічнай службы Рэспублікі Беларусь" Прафілактыка хатняга гвалту Біяметрычныя дакументы Рэспублікі Беларусь Федэрацыя прафсаюзаў Беларусі Віцебскае абласное ўпраўленне Дзяржпрамнагляду Сацыяльная рэклама Свабодная эканамічная зона "Віцебск"
Адзіны дзяржаўны рэгістр
Міністэрства па падатках і зборах Рэспублікі Беларусь
Адзіны партал электронных паслуг