Галоўная / Навіны / Навіны рэспублікі

Урад зацвердзіў новую рэдакцыю візавых правіл Беларусі

25.06.2020

Візавыя правілы Беларусі, зацверджаныя пастановай Савета Міністраў ад 15 ліпеня 2010 года нумар 1065, выкладзены ў новай рэдакцыі. Адпаведнае рашэнне замацавана пастановай урада ад 24 чэрвеня 2020 года нумар 364. Такая інфармацыя размешчана на Нацыянальным прававым інтэрнэт-партале, паведамляе карэспандэнт БЕЛТА.

Візавымі правіламі ўстаноўлены віды віз Беларусі і парадак іх выдачы замежным грамадзянам і асобам без грамадзянства.

Да органаў выдачы ўязных віз аднесены загранустановы, галоўнае консульскае ўпраўленне МЗС, органы пагранічнай службы.

Органамі выдачы выязных і выязных-уязных віз выступаюць падраздзяленні па грамадзянстве і міграцыі тэрытарыяльных органаў унутраных спраў па месцы часовага знаходжання, часовага пражывання іншаземцаў на тэрыторыі Беларусі.

Прынятае ў адпаведнасці з візавымі правіламі рашэнне аб выдачы альбо адмове ў выдачы ўязной візы з'яўляецца канчатковым. Разам з тым папярэдняя адмова ў выдачы ўязной візы або ва ўездзе ў Беларусь не вядзе да аўтаматычнага адмаўлення ў задавальненні новай візавай заяўкі.

Прызнаюцца несапраўднымі: уязная, выязная, выязная-ўязная віза - пры заканчэнні тэрміну іх дзеяння або выкарыстанні ў адпаведнасці з іх кратнасцю і дазволеным перыядам знаходжання; візавыя маркі з выпраўленым тэкстам, не завераныя пячаткай (візавай пячаткай МЗС) або аформленыя ў парушэнне ўстаноўленага парадку.

Дакументам прадугледжана, што пры ўстанаўленні іншых правіл міжнародным дагаворам Беларусі, чым тыя, якія прадугледжаны візавымі правіламі, дзейнічаюць правілы міжнароднага дагавора.

Пастанова ўступае ў сілу з 1 ліпеня 2020 года.


2024 - год якасцi Праект “Адкрыты кінаархіў. Гэты дзень мы набліжалі як маглі» Увекавечанне памяці абаронцаў Айчыны і ахвяр вайны Ліцэнзаванне адукацыйнай дзейнасці Працаўладкаванне моладзі ў вольны ад вучобы час Анлайн-перамовы Лічбавая бяспека ў Інтэрнеце Прадпрымальнік года Віцебскі аблвыканкам Інвестыцыйная пляцоўка Витебские вести Рэдакцыя раённай газеты "Лепельскі край" Камісія па каардынацыі работы па садзейнічанні занятасці насельніцтва Лепельскага раёна ДУА "Інстытут пагранічнай службы Рэспублікі Беларусь" Прафілактыка хатняга гвалту Біяметрычныя дакументы Рэспублікі Беларусь Федэрацыя прафсаюзаў Беларусі Віцебскае абласное ўпраўленне Дзяржпрамнагляду Сацыяльная рэклама Свабодная эканамічная зона "Віцебск"
Адзіны дзяржаўны рэгістр
Міністэрства па падатках і зборах Рэспублікі Беларусь
Адзіны партал электронных паслуг