Галоўная / Навіны / Навіны рэспублікі

Забароны і абмежаванні на наведванне лясоў дзейнічаюць у 9 раёнах Беларусі

24.06.2020

Забароны і абмежаванні на наведванне лясоў дзейнічаюць у 9 раёнах Беларусі. Такая інфармацыя размешчана ў Telegram-канале Міністэрства лясной гаспадаркі, паведамляе БЕЛТА.

Наведваць лес часова забаронена ў Веткаўскім і Ельскім раёнах Гомельскай вобласці. Абмежаванні на наведванне лясоў дзейнічаюць у Карэліцкім, Навагрудскім, Смаргонскім, Астравецкім, Ашмянскім раёнах Гродзенскай вобласці, а таксама ў Стаўбцоўскім раёне Мінскай вобласці і Светлагорскім раёне Гомельскай вобласці. "Абмежавальныя меры маюць часовы характар і будуць зняты пры стабілізацыі пажаранебяспечнага становішча ў лясным фондзе", - падкрэслілі ў прэс-службе.

На сайце Міністэрства лясной гаспадаркі размешчана інтэрактыўная карта забарон і абмежаванняў на наведванне лясоў. З яе дапамогай можна ў аператыўным рэжыме адсачыць, у якіх рэгіёнах часова забаронена наведваць лясы. Парушэнне патрабаванняў пажарнай бяспекі ў лясах і на тарфяніках або забароны на іх наведванне без нанясення ўрону прыводзіць згодна з арт. 15.29 КоАП да папярэджання або накладання штрафу ў памеры да 25 базавых велічынь (1 БВ - Br27).

У лясгасах налічваецца звыш 250 пажарна-хімічных станцый, больш за 660 пунктаў проціпажарнага інвентару, якія ўкамплектаваны неабходнымі сродкамі пажаратушэння. Створана сетка з больш як 650 пажарна-наглядальных вышак і мачтаў, з якіх амаль 600 абсталяваны сродкамі відэанагляду за станам ляснога фонду.


2024 - год якасцi Праект “Адкрыты кінаархіў. Гэты дзень мы набліжалі як маглі» Увекавечанне памяці абаронцаў Айчыны і ахвяр вайны Ліцэнзаванне адукацыйнай дзейнасці Працаўладкаванне моладзі ў вольны ад вучобы час Анлайн-перамовы Лічбавая бяспека ў Інтэрнеце Прадпрымальнік года Віцебскі аблвыканкам Інвестыцыйная пляцоўка Витебские вести Рэдакцыя раённай газеты "Лепельскі край" Камісія па каардынацыі работы па садзейнічанні занятасці насельніцтва Лепельскага раёна ДУА "Інстытут пагранічнай службы Рэспублікі Беларусь" Прафілактыка хатняга гвалту Біяметрычныя дакументы Рэспублікі Беларусь Федэрацыя прафсаюзаў Беларусі Віцебскае абласное ўпраўленне Дзяржпрамнагляду Сацыяльная рэклама Свабодная эканамічная зона "Віцебск"
Адзіны дзяржаўны рэгістр
Міністэрства па падатках і зборах Рэспублікі Беларусь
Адзіны партал электронных паслуг