• Гостиничный комплекс ПлавноГостиничный комплекс Плавно
Главная / Новости / Новости района

При отделении срочного социального обслуживания открылась социальная парикмахерская

06.03.2018

Сёлета пры аддзяленні тэрміновага сацыяльнага абслугоўвання тэрытарыяльнага цэнтра адкрылася сацыяльная цырульня. Загадчык аддзялення - Юлія Усцінава.Цырульня абслугоўвае пажылых грамадзян — пенсіянераў, інвалідаў, наведвальнікаў тэрытарыяльнага цэнтра і не толькі. Быў абсталяваны адмысловы кабінет у памяшканні тэрытарыяльнага цэнтра. Сваімі сіламі зрабілі рамонт: паклеілі шпалеры, паслалі лінолеум, пафарбавалі столь. КУВП “Бароўка” на бязвыплатнай аснове перадала працоўнае месца цырульніка: рухомы стул, люстэрка, шуфлядку, мыйку ў зборы з крэслам і ў дадатак яшчэ адно крэсла. Астатняе абсталяванне (машынку, нажніцы філіровачныя і прамыя, пярэднік для цырульніка, накідку для кліента і іншае) набылі за кошт арганізацыі. Кошты сацыяльныя, значна ніжэйшыя, чым у іншых цырульнях. Абслугоўвае кліенаў вопытны цырульнік з трыццацігадовым стажам Вольга Мадатава. Раней яна працавала ў КБА, затым — у прыватнай цырульні. За студзень абслужылі дваццаць сем чалавек.

Уладзімір МІХНО.
На здымку: у сацыяльнай цырульні тэрытарыяльнага цэнтра.
Фота аўтара.