Наладкі
Наладкі шрыфта
Arial
Times New Roman
Памер шрыфта
A
A
A
Iнтэрвал памiж лiтарамі
Паменшаны
Стандартны
Вялікі
Каляровая схема
Чорным
па белым
Белым
па чорным
Лепельскі раённы выканаўчы камітэт
24 красавіка 2020

Дарогамі памяці праходзяць удзельнікі Лепельскага аўтаклуба

Сярод аўтаклубаў Віцебскай вобласці праходзіць патрыятычная акцыя «Дарогамі памяці», прысвечаная 75-годдзю Вялікай Перамогі. На працягу некалькіх тыдняў супрацоўнікі і калектывы мастацкай творчасці аўтаклубаў выязджалі па месцах баявой славы, каб навесці там парадак. А зараз для нашых артыстаў настаў час ганаровай місіі - прыняць агонь памяці, кнігі «Памяць» Дубровенскага, Талачынскага, Аршанскага і Чашніцкага раёна, а таксама карты з указаннем помніка, дзе адбыліся сустрэчы суседніх рэгіёнаў.

Разам з аўтаклубам раённага Дома культуры накіроўваюся на мяжу Чашніцкага і Лепельскага раёнаў.

Мемарыял «Вішанька» знаходзіцца ў Чашніцкім раёне, быў пабудаваны на месцы адной вёскі, якую напаткаў лёс Хатыні. Разам з артыстамі ўспамінаем гісторыю тых страшных падзей, і на душы становіцца неяк няёмка і сумна.
Напярэдадні Вялікай Айчыннай вайны ў населеным пункце было 32 двары, 160 жыхароў, а падчас ваеннага ліхалецця на гэтым месцы амаль нічога не засталося.

Гэтую гісторыю ведаюць не толькі дарослыя і дзеці Чашніччыны, а і лепельскія школьнікі. Дзень дзявятага сакавіка 1944 году - самы страшны і трагічны ў гісторыі невялікай вёсачкі. Страціўшы некалькі салдат у баі з разгарэўшымiся напярэдадні партызанамі, карнікі з 839-га ахоўнага батальёна ўварваліся ў вёску. Найбольш моцных мужчын сярод жыхароў вёскі аддзялілі і катавалі, а затым расстралялі і скінулі ў раку. Астатнім была наканавана пакутніцкая смерць у агні. Іх сагналі ў два дамы, закідалі гранатамі, а потым падпалілі. У вёсцы было жыўцом спалена 114 жыхароў.

У 1984 годзе на месцы вёскі быў створаны мемарыяльны знак. Цяпер там стаіць мемарыяльны помнік, які адкрыўся 22 чэрвеня 1989 года.
Подезжая, здалёк заўважаем вялікую скульптурную кампазіцыю - жанчына, дзяўчынка і пажылы чалавек. Непадалёк ад яе ўжо чакаюць артысты з Чашніччыны, якіх таксама толькі некалькі чалавек, улічваючы эпідэміялагічную сітуацыю.

Хочацца адразу адзначыць, што работнікі культуры ўмеюць стварыць сапраўднае свята і ў маленькім складзе, бо ў іх спявае душа. Яны прывыклі дарыць радасць і падымаць настрой людзям.

Так атрымалася і на гэты раз. Спачатку нашы суседзі праспявалі музычную кампазіцыю, потым лепяльчане ў адказ выканалі сваю. Як заўважыла загадчыца аўтаклубам Чашніцкага цэнтра культуры і народнай творчасці Наталля Непляховiч, такога музычнага твора яны раней не чулі - вельмі прыгожы, трэба ўзяць сабе на заметку.

Прывітаўшы адзін аднаго добрымі словамі, перайшлі да самага галоўнага - перадачы сімвалаў гэтай акцыі. У гэты момант адчувалася хваляванне ўсіх удзельнікаў мерапрыемства.

- За той перыяд, пакуль праязджалі помнікі на Лепельшчыне, з мэтай іх уборкі і добраўпарадкавання, а наведалі ўжо больш за дзесяць, яшчэ больш адчулі, наколькі патрэбна і важна гэта акцыя. Наш абавязак - падтрымліваць у належным стане брацкія магілы, помнікі і абеліскі. Як у нашай краіне, так і Лепельскім раёне, гэтай працы надаецца вялікая ўвага. Шкада толькі, што цяпер немагчыма наведаць ветэранаў, прыцягнуць да ўдзелу школьнікаў, - сказаў Леанід Забабура, загадчык аўтаклубам Лепельскага РДК.

Таксама нашы артысты адзначылі, што ўвогуле каля помнікаў у асноўным парадак. Арганізацыі, якія замацаваны за імі, добрасумленна прыязджаюць і прыбіраюць святыя месцы.

Як кажуць: толькі сумеснымі намаганнямі можна атрымаць добры вынік. Так, і ў гэтай справе аўтаклуб заўсёды падтрымліваў сувязь з сельсаветамі, з імі разам вырашаў, да якога помніка ў першую чаргу мець кірунак.

Загадчыца аўтаклубам Чашніцкага цэнтра культуры і народнай творчасці Наталля Непляховiч адзначыла, што на Чашніччыне больш за 70 пахаванняў, і ўсе яны ў выдатным стане. Чашніцкая зямля выхавала шэсць Герояў Савецкага Саюза.

- Дзякуючы гэтай акцыі яшчэ раз прыйшлося сутыкнуцца з памяццю, наведаць помнікі, у прыватнасці гэты мемарыял, - рэзюмавала Наталля Аркадзьеўна.

Наталля Храпавіцкая.

Да спіса навін