У выязной рабочай сустрэчы ўдзельнічаюць намеснік міністра эканомікі Рэспублікі Беларусь Сяргей Міцянскі, прадстаўнікі Беларускага фонду фінансавай падтрымкі прадпрымальнікаў, ТАА «Банк развіцця Рэспублікі Беларусь», ААТ «Беларуская ўніверсальная таварная біржа», малога і сярэдняга бізнесу Лепельскага, Бешанковіцкага, Докшыцкага, Чашніцкага раёнаў.
У цяперашніх няпростых умовах санкцыйнага ціску, як падкрэсліў намеснік міністра, прадпрымальнікаў хвалююць пытанні ўзаемадзеяння з буйнымі прадпрыемствамі ў мэтах наладжвання кааперацыйных ланцужкоў і вытворчасці імпартазамяшчальнай прадукцыі.
Як адзначыў начальнік аддзела развіцця прадпрымальніцтва камітэта эканомікі Віцебскага аблвыканкама Трафімаў Аляксандр Іванавіч, мясцовыя ўлады робяць шмат для развіцця бізнесу, ужываюць на практыцы заканадаўчыя акты. Але разам з тым ёсць праблематыка, якую на мясцовым узроўні вырашыць не магчыма. У гэтай частцы нам дапамагаюць такія семінары з удзелам прадстаўнікоў Міністэрства эканомікі. На сустрэчы разгледжаны пытанні крэдытных прадуктаў для падтрымкі бізнесу, размяшчэння арганізацый на лічбавай платформе Беларускай універсальнай гандлёвай біржы і іншыя.
Таксама ўдзельнікі працоўнай сустрэчы наведалі ТАА «ТЭПАН-Бел», якое спецыялізуецца на выпуску будаўнічых матэрыялаў і жалезабетонных вырабаў. Прадпрыемства асвоіла выпуск экалагічных і энергаэфектыўных домакамплектаў, гатовых да мантажу без выкарыстання спецтэхнікі і мокрых працэсаў.
Фота Алены БАШУН