Інфармацыйна-прапагандысцкая група на чале з намеснікам старшыні райвыканкама Сяргеем Быстрыцкім наведала Лепельскі РАНС. У пачатку сустрэчы прысутным быў паказаны невялікі фільм аб важнасці службы супрацоўнікаў МНС у Беларусі, аб органах і падраздзяленнях, навінах у гэтай сферы і многім іншым.
Асноўная тэма сустрэчы — КУЛЬТУРНАЯ І ПРЫРОДНАЯ СПАДЧЫНА БЕЛАРУСІ ЯК ФАКТАРЫ РАЗВІЦЦЯ ТУРЫЗМУ — пра гэта распавяла галоўны спецыяліст сектара спорту і турызму райвыканкама Таццяна Галай.
Сяргей Міхайлавіч распавёў прысутным аб уведзеным у эксплуатацыю жыллi, аб'ектах, да будаўніцтва якіх ужо прыступілі ў нашым раёне, і аб планах на бліжэйшую перспектыву. Так, у 2021 годзе ўведзена ў эксплуатацыю 11 тысяч метраў квадратных жылля: каля 5 тысяч - у шматкватэрных дамах і 6 тысяч - індывідуальнага будаўніцтва.
Закранулі і тэму рамонту дарог, якая вельмі хвалюе грамадзян. Запланавана суцэльнае асфальтаванне часткі дарогі ад маста па вул. Ульянка да Заазерскага лясніцтва, вуліцы Бярэзінская да ЦРБ і ў вёсцы Бароўка.
У працэсе гутаркі з залы да намесніка старшыні райвыканкама паступіла некалькі пытанняў і просьба, каб камунальная служба падсыпала пяску ў пясочніцы ў новым мікрараёне за былой крамай «Хатні». Таксама прысутныя пацікавіліся, якія працы вядуцца на тэрыторыі гімназіі ім. І. М. Ерашова.
Сяргей Міхайлавіч адзначыў, што ў бліжэйшым часам там з'явіцца сучасная міні-футбольная пляцоўка з штучным пакрыццём. Аналагічны аб'ект ужо ёсць на тэрыторыі паміж будынкамі сярэдніх школ №1 і №3. Фінансаванне пляцоўкі ажыццяўляецца з сродкаў мясцовага бюджэту, а таксама Беларускай федэрацыі футбола.
Не абышлі і тэму басейна, які плануецца будаваць насупраць РАУС. У ім будзе 2 чары - дзіцячая (неглыбокая) і дарослая на 3 дарожкі, лазневы комплекс, трэнажорная і зала для аэробікі.
Затым перад супрацоўнікамі РАНС выступіў старшы дзяржаўтаінспектар аддзела ДАІ Лепельскага РАУС. Тэма размовы тычылася правілаў дарожнага руху і сітуацыі са становішчам на дарогах у нашым раёне.
Было адзначана, што асноўная праблема усіх бед - невыкананне вадзіцелямі і пешаходамі элементарных правілаў, што прыводзіць да дарожна-транспартных здарэнняў.
Напрыканцы размовы Вадзім Мікалаевіч заклікаў клапаціцца аб сваім здароўі і жыцці. Урач агульнай практыкі Лепельскай ЦРБ Аксана Дзівіна расказала аб здаровым ладзе жыцця. Загартоўванне, сонечныя ванны, шкода курэння і алкаголю, вакцынацыя, пазітыўны настрой - усе гэтыя тэмы ў сваім выступе закранула Аксана Іванаўна.
Старшы оперупаўнаважаны ДНіПТЛ Лепельскага РАУС Андрэй Маляўка расказаў пра адказнасць за ўжыванне, захоўванне і распаўсюджванне наркатычных сродкаў.