Галоўная / Навіны / Навіны раёна

Кіраўніцтва Лепельскага раёна віншуе жыхароў Лепельшчыны з Днём Незалежнасці Рэспублікі Беларусь

02.07.2021

Паважаныя лепельчане! Дарагія ветэраны!

Сардэчна віншуем вас з Днём Незалежнасці Рэспублікі Беларусь і 77-й гадавінай з дня вызвалення нашай краіны ад нямецка-фашысцкіх захопнікаў!

Яднанне гэтых падзей сімвалізуе шматвекавы шлях нашай краіны і напаўняе асаблівым гонарам сэрца: вялікі подзвіг народа атаясамліваць з суверэнітэтам дзяржавы, а яе аснова створана і ўмацоўваецца намаганнямі мільёнаў беларусаў. У гэтым свяце спалучаюцца сапраўды святыя паняцці - Свабода і Незалежнасць, а само яно стала сімвалам нацыянальнага яднання і агульнай адказнасці за будучыню нашай Радзімы.

Ідэя суверэннай беларускай дзяржавы праходзіла чырвонай ніткай праз усе пакаленні. Імкненне нашага народа жыць у сваім доме і быць самастойным - той стрыжань, які дае сілу і ўмацоўвае дух нацыі.

Мы ў вечным даўгу перад тымі, хто на сваіх плячах вынес, выпакутаваў Вялікую Перамогу, хто падняў з руін разбураныя гарады і спаленыя вёскі. Дзякуючы іх самаахвярнасці, мужнасці і патрыятызму мы атрымалі права жыць пад мірным небам, у свабоднай і незалежнай краіне.

Шмат каму вайна прынесла смерць, але не забыццё. Сёння строгія помнікі і брацкія магілы, мемарыяльныя комплексы па праву лічацца народнымі святынямі, якія сведчаць пра веліч подзвігу, нагадваюць нам пра каштоўнасць чалавечага жыцця. Таму падтрымліваць у належным стане месцы баявой і воінскай славы - справа нашага гонару.

Для беларусаў 3 ліпеня з'яўляецца днём нараджэння выдатнай і квітнеючай краіны. Стваральная штодзённая праца кожнага з нас павінна спрыяць далейшаму яе дабрабыту і сацыяльна-эканамічнаму развіццю.

Сёння асабліва востра адчуваецца, як лёгка страціць бяспеку і якіх неймаверных намаганняў каштуе яе захаваць. Урокі гісторыі вучаць: здабыць суверэнітэт мала, трэба ўмець яго абараніць, адстаяць і зберагчы. Таму на кожным з нас ляжыць адказнасць за найвялікшыя заваёвы старэйшых пакаленняў - мір і парадак. І якія б задачы ні ставіўперад нашым грамадствам час, залогам іх ажыццяўлення заўсёды будзе наша адзінства.

Дарагія лепельчане, у гэты светлы і радасны дзень жадаем вам моцнага здароўя, шчасця, дабрабыту, бадзёрасці духу і дабра! Няхай у вашых дамах пануюць мір і згода!

Са святам! З Днём Незалежнасці!

Старшыня Лепельскага райвыканкама Міхаіл Кісялевіч

Старшыня Лепельскага райсавета Ігар Урбан


2024 - год якасцi Праект “Адкрыты кінаархіў. Гэты дзень мы набліжалі як маглі» Увекавечанне памяці абаронцаў Айчыны і ахвяр вайны Ліцэнзаванне адукацыйнай дзейнасці Працаўладкаванне моладзі ў вольны ад вучобы час Анлайн-перамовы Лічбавая бяспека ў Інтэрнеце Прадпрымальнік года Віцебскі аблвыканкам Інвестыцыйная пляцоўка Витебские вести Рэдакцыя раённай газеты "Лепельскі край" Камісія па каардынацыі работы па садзейнічанні занятасці насельніцтва Лепельскага раёна ДУА "Інстытут пагранічнай службы Рэспублікі Беларусь" Прафілактыка хатняга гвалту Біяметрычныя дакументы Рэспублікі Беларусь Федэрацыя прафсаюзаў Беларусі Віцебскае абласное ўпраўленне Дзяржпрамнагляду Сацыяльная рэклама Свабодная эканамічная зона "Віцебск"
Адзіны дзяржаўны рэгістр
Міністэрства па падатках і зборах Рэспублікі Беларусь
Адзіны партал электронных паслуг