Рашэннем Віцебскага абласнога выканаўчага камітэта № 37 ад 24 студзеня 2022 года ганаровае званне «Чалавек года Віцебшчыны» ў намінацыі «Аграпрамысловы комплекс, ахова навакольнага асяроддзя, лясная гаспадарка» прысуджана начальніку дрэваапрацоўчага цэха дзяржаўнай лесагаспадарчай установы «Лепельскі лясгас» Алене Грэчнай.
Урачыстае ўзнагароджанне перадавых работнікаў розных галін, якім прысуджана ганаровае званне «Чалавек года Віцебшчыны», сёння адбылося ў Полацкім Сафійскім саборы.
Заслужаную ўзнагароду, кветкі Алене Паўлаўне ўручыў старшыня Віцебскага абласнога выканаўчага камітэта Аляксандр Субоцін.
Ад усёй душы віншуем нашу зямлячку з годным званнем і жадаем новых працоўных поспехаў на прафесійным шляху!