Маляўнічы востраў «Ладэ» зноў сабраў маленькіх беларусаў з розных куткоў краіны і нават суседніх дзяржаў. У адным з самых прыгожых месцаў Лепельшчыны размясціўся міжнародны дзіцячы лагер «Dreamcamp». Адпачынак на свежым паветры, разнастайнае харчаванне, зносіны з сябрамі, заняткі спортам і творчасцю - гэтым напаўняюць сваё лета хлопцы ва ўзросце ад 8 да 16 гадоў. Галоўнай спецыфікай лагера з'яўляецца не толькі стварэнне ўнікальных умоў для адпачынку, але і для вучобы - выхаванцы лагера займаюцца вывучэннем англійскай мовы з замежнымі выкладчыкамі.
У гэтым годзе «Dreamcamp» на Лепельшчыне працуе ў перыяд з 10 чэрвеня па 15 жніўня. За гэты перыяд аздараўленне і навучанне пройдуць сотні дзяцей у 6 лагерных зменах.
Dreamcamp - міжнародны дзіцячы лагер, які працуе ў сферы арганізацыі дзіцячага адпачынку з 2006 года, праводзіць адукацыйныя праграмы ў маляўнічых кутках Беларусі і ў 9 краінах Еўропы. Кожная праграма - гэта новая аўтарская распрацоўка крэатыўнай каманды «Dreamcamp». Найбольш любімыя дзецьмі на працягу года пастаянныя праекты: «English camp», «Teen's camp», «Свядомы выбар прафесіі», «PRO БІЗНЭС», «З навучаннем плаванню».
Акрамя таго, «Dreamcamp» з'яўляецца арганізатарам амерыканскага бізнес-лагера для падлеткаў у Беларусі - Belarus Business Week. Персанал лагера праходзіць навучанне ва ўласнай школе важатых. Галоўная місія каманды - зрабіць адпачынак дзяцей бяспечным, камфортным, займальным і карысным.