На парадку дня - пытанні выканання мерапрыемстваў праграмы «Здароўе народа і дэмаграфічная бяспека Рэспублікі Беларусь» на 2021-2025 гады, а таксама праца назіральных камісій.
Дэмаграфічную сітуацыю ў Лепельскім раёне характарызуюць скарачэннем колькасці насельніцтва і яго старэннем. Удзельная вага асоб ва ўзросце 65 гадоў і старэйшых складае 18%.
Для вырашэння пытанняў забеспячэння дэмаграфічнай бяспекі ў раёне цесна ўзаемадзейнічаюць усе структурныя падраздзяленні райвыканкама, раённага і сельскіх саветаў дэпутатаў і ўстаноў аховы здароўя. Насельніцтву рэгіёну своечасова аказваецца медыцынская дапамога, адзначылі на пасяджэнні.
Таксама на паседжанні разгледзелі пытанні ўкамплектаванасці кадрамі медустаноў рэгіёну і іх замацаванні на працоўных месцах. Для гэтага ў Лепельскім раёне арганізавана работа па падтрымцы спецыялістаў, у тым ліку прадастаўленню жылля для маючых патрэбу.
Абмеркавалі пытанне абавязковай дыспансерызацыi.
- Абавязковая штогадовая дыспансерызацыя насельніцтва - ідэя выдатная, заканадаўча замацаваная. Але вельмі важна на месцах прадумаць стратэгію яе максімальна эфектыўнай рэалізацыі. Вы маеце права самастойна выбраць найбольш прыдатную для раёна схему. Так, каб было зручна і людзям, і дактарам. А галоўнае - дзейсна, - акцэнтавала ўвагу Наталля Іванаўна
Таксама Наталля Качанава сёння сустрэлася з калектывам філіяла «Лепельскі хлебазавод» ААТ «Віцебскхлебпрам» і азнаёмілася з вытворчай базай прадпрыемства.
Філіял «Лепельскі хлебазавод» ААТ «Віцебскхлебпрам» штомесяц можа вырабляць 152 тонны лебабулачных вырабаў і 5 тон кандытарскіх вырабаў.
У студзені 2023 г. асартымент выпускаемай прадукцыі прадстаўлены больш за 30 найменнямі хлебабулачных вырабаў і 16 найменнямi кандытарскіх вырабаў — пірожныя, тарты, кекс, пернікі, бісквіты, прысмакі мучныя і іншае.
Галоўная задача, якая стаіць перад філіялам - пашырэнне рынку збыту і ўмацаванне заваяваных пазіцый з дапамогай пашырэння асартыменту і якасці прадукцыі, павышэнне харчовай каштоўнасці хлеба і булачных вырабаў.
- Для годнага жыцця ў кожным горадзе і раёне створаны ўсе умовы. Ёсць вертыкаль улады і структуры, якія працуюць на карысць людзей. Пастаўлена задача - развіццё эканомікі ў плане адкрыцця прадпрыемстваў і вытворчасцей у асобна ўзятым раёне або горадзе. Мы разумеем, што калі будзе праца і будуць створаны ўсе ўмовы ў райцэнтрах, то людзі застануцца і будуць там жыць, працаваць, вучыцца, - падсумавала Наталля Іванаўна.