05.10.2025

Паважаныя педагогі, работнікі і ветэраны сістэмы адукацыі Лепельшчыны!

Прыміце самыя цёплыя і добрыя віншаванні з прафесійным святам - Днём настаўніка!

У сучасным свеце якасная адукацыя з'яўляецца ключавой умовай для эфектыўнага развіцця грамадства. Беларусь па праве ганарыцца сваім адукацыйным патэнцыялам.

У вялікім педагагічным калектыве сістэмы адукацыі Лепельскага раёна працуюць педагогі, якія даюць сваім вучням не толькі запатрабаваныя, сучасныя і трывалыя веды, але і перадаюць свой жыццёвы вопыт, практычныя навыкі, фарміруюць якасці будучага грамадзяніна і патрыёта сваёй краіны.

Вы вучыце дзяцей гонару і годнасці, дабрыні і справядлівасці, здольнасці творча думаць і прымаць самастойныя рашэнні. Вы дапамагаеце дзецям вызначыць сваю будучыню, выбраць жыццёвы шлях.

Упэўнены, што вопыт, адданасць прафесіі, мудрасць дазволяць вам і надалей дамагацца высокіх вынікаў у педагагічнай дзейнасці.

Асаблівыя словы падзякі ветэранам педагагічнай працы! Ваша шматгадовая праца – гэта бясцэнны ўклад у адукацыю і выхаванне пакаленняў, апора і гонар сістэмы адукацыі Лепельшчыны!

Паважаныя педагогі, дзякуй Вам за самааддачу і нястомны пошук новых напрамкаў у адукацыі, за тое, што вучыце галоўнаму – быць чалавекам.

Няхай кожны ваш дзень будзе напоўнены радасцю ад зносін з дзецьмі і гонарам за вынікі сваёй працы.

Моцнага Вам здароўя, дабрабыту, новых дасягненняў, рэалізацыі цікавых праектаў і задум.

З Днём настаўніка!

Лепельскі раённы выканаўчы камітэт
Лепельскі раённы Савет дэпутатаў