28.01.2022

Стартаваў продаж сертыфікатаў на «Славянскі базар»

Пачаўся продаж сертыфікатаў на "Славянскі базар у Віцебску", паведамілі БЕЛТА ў дырэкцыі форуму.

Праграма фестывалю яшчэ не апублікавана, але арганізатары выпускаюць у продаж падарункавыя сертыфікаты на канцэрты ў Летнім амфітэатры. Набыць можна сертыфікаты наміналам Br10, Br20, Br30, Br50 і Br100. Акрамя таго, да кожнага старублёвага сертыфіката дабавіцца бонус - яшчэ Br31. Сертыфікаты можна купіць да афіцыйнага старту продажу білетаў у касах Цэнтра культуры "Віцебск" і на kvitki.by за наяўны і безнаяўны разлік.

Міжнародны фестываль мастацтваў "Славянскі базар у Віцебску" пройдзе з 13 па 18 ліпеня.

БелТА