02.10.2025

1 кастрычніка ў раённым Доме культуры прайшоў канцэрт, прысвечаны Дню пажылых людзей

Прысутных са святам павіншавалі начальнік упраўлення па працы, занятасці і сацыяльнай абароне Лепельскага райвыканкама Марына Іназемцава, старшыня раённай арганізацыі грамадскага аб'яднання ветэранаў Васіль Пшонка і протаіерэй Сергій Ляшкевіч.

"Вашы лёсы ў поўнай меры адлюстроўваюць гісторыю роднай Лепельшчыны. Мужна пераадольваючы нягоды, вы працавалі ўсё жыццё дзеля шчаслівай будучыні. Многія з вас і па гэты дзень вядуць актыўны лад жыцця, працуюць на прадпрыемствах, у грамадскіх арганізацыях, застаючыся пры гэтым "вечнымі рухавікамі" у сваёй сям'і", - адзначыла Марына Іназемцава.

Артысты шчодра дарылі свой талент і выканалі ўсімі любімыя песні. Іх шчырасць і энергія натхнілі гледачоў, выклікаўшы захапленне і апладысменты.