13.02.2025

12 лютага ў абласным цэнтры адбылося выніковае пашыранае пасяджэнне калегіі Віцебскага ДВЛГА

12 лютага ў абласным цэнтры адбылося выніковае пашыранае пасяджэнне калегіі Віцебскага ДВЛГА, у рабоце якога прынялі ўдзел начальнік упраўлення эканомікі і інвестыцый Мінлясгаса Ігар Малашэвіч, першы намеснік старшыні Віцебскага аблвыканкама Генадзь Сабыніч і кіраўнікі з іншых ведамасных структур.

Былі разгледжаны пытанні аб выніках выканання паказчыкаў сацыяльна-эканамічнага развіцця лясгасамі Віцебскага ДВЛГА ў 2024 годзе, а таксама пастаўлены задачы на 2025 год.

У ходзе пасяджэння традыцыйна адбылося ўзнагароджанне лясгасаў, якія дабіліся найлепшых вынікаў.

Прыемна адзначыць, што першае месца трэці год запар у гэтым спісе займае Лепельскі лясгас.

У лідарах сярод лясніцтваў Віцебшчыны - калектыў Слабадскога лясніцтва, а цэх дрэваапрацоўкі Лепельскага лясгаса прызнаны лепшым у вобласці.

Віншуем лепельчан з высокімі вынікамі работы і жадаем поспехаў у далейшай рабоце на карысць роднага краю.