17.03.2025

15 сакавіка ў фізкультурна-аздараўленчым цэнтры Лепеля адбылося адкрыццё штогадовага раённага турніру па баскетболе

15 сакавіка ў фізкультурна-аздараўленчым цэнтры Лепеля адбылося адкрыццё штогадовага раённага турніру па баскетболе сярод юнакоў у гонар памяці воіна-інтэрнацыяналіста Ігара Аляксандравіча Салаўёва

У гэты раз спартыўнае спаборніцтва прысвечана Году добраўпарадкавання! Турнір арганізаваў дваццаць шэсць гадоў таму Аляксандр Шнейдэрман, які працаваў настаўнікам фізкультуры.

У турніры прымаюць удзел 7 каманд устаноў адукацыі Лепельшчыны.

З прывітальным словам да спартсменаў звярнулася намеснік старшыні райвыканкама Вераніка Хомбак. Яна пажадала ўдзельнікам сустрэчы перамогі і мірнага неба над галавой.

На турніры прайшло традыцыйнае ўручэнне ўзнагарод

Землякам былі ўручаны юбілейныя медалі "35 гадоў вываду савецкі войскаў з Афганістана", граматы Віцебскай абласной і Лепельскай раённай арганізацый ГА "Беларускі саюз ветэранаў вайны ў Афганістане", граматы ваеннага камісарыята Лепельскага і Ушацкага раёнаў і іншыя ўзнагароды.

Даведачна: Ігар Салаўёў нарадзіўся 28 студзеня 1965 года ў горадзе Лепель Віцебскай вобласці. У 1982 годзе скончыў сярэднюю школу № 2 горада Лепель. Працаваў рабочым на заводзе.

У 1983 годзе Лепельскім аб'яднаным гарваенкаматам Віцебскай вобласці прызваны ў рады Узброеных Сіл. Службу праходзіў у Казахстане, затым накіраваны ў Афганістан у вайсковую частку палявая пошта 82629. Быў разведчыкам.

28 верасня 1983 года радавы I.А. Салаўёў загінуў пры выкананні баявога задання.

Пахаваны ў горадзе Лепель Віцебскай вобласці. За мужнасць і гераізм узнагароджаны ордэнам Чырвонай Зоркі.

Вынікі турніру па баскетболе:

1 месца - гімназія,

2 месца - СШ3,

3 месца - СШ1.