14.07.2025

2025-ы аб'яўлены Годам добраўпарадкавання - а гэта значыць, што кожны з нас можа ўнесці ўклад у чысціню і ўтульнасць роднага горада

Памочнік урача-гігіеніста Наталля Тарасава і інспектар аддзела архітэктуры і будаўніцтва, жыллёва-камунальнай гаспадаркі Ганна Малашэнка правялі маніторынг санітарнага стану тэрыторый шэрагу гаражных кааператываў (ГБК).

Радуе, што большасць старшыняў гаражных кааператываў адказна ставяцца да патрабавання захавання парадку на тэрыторыі кааператываў: не дапускаюць складавання бытавога смецця, выкарыстаных шын, у тэрмін праводзяць пакос травы, - адзначыла Наталля Тарасава.

Як праходзіць кантроль?

Праверкі ГБК - штомесячныя і раптоўныя, каб усе падтрымлівалі чысціню пастаянна. Асаблівая ўвага - парушальнікам, якія ігнаруюць правілы.

Важна!

Чысты горад пачынаецца з кожнага з нас. Не складайце адходы ў гаражах, прыбірайце за сабой пасля рамонту і выкідвайце смецце толькі ў адведзеных месцах.