17.11.2025

5 лепельчанак прынялі ўдзел у IV Рэспубліканскім форуме працаўнікоў вёскі

100 прадстаўніц аграрнай галіны вобласці прынялі ўдзел у форуме

Маштабнае знакавае мерапрыемства штогод праходзіць напярэдадні Дня работнікаў сельскай гаспадаркі і перапрацоўчай прамысловасці аграпрамысловага комплексу.

Праграма форуму прынесла яго ўдзельніцам хвалюючыя і яркія ўражанні. Кожная ўдзельніца з радасцю і гонарам прыняла свой новы статус дэлегата форуму.

Значэнне падзеі відавочна: форум дэманструе актыўную ролю жанчын у развіцці сельскай гаспадаркі і эканомікі краіны, служыць пляцоўкай для зносін і наладжвання супрацоўніцтва паміж рэгіёнамі.

Як адзначаюць нашы зямлячкі, уражанні ў іх ад форуму самыя станоўчыя. Яны дзякуюць Беларускаму саюзу жанчын за магчымасць адцягнуцца ад паўсядзённых спраў і перазагрузіцца. Асабліва радуе, што сярод удзельніц - прадстаўніцы розных пакаленняў - гэта сведчыць аб пераемнасці адказных адносін да справы.