10.11.2025

7 лістапада ў Лепелі ўшанавалі памяць 108-й гадавіны Кастрычніцкай рэвалюцыі

Мітынг ля помніка У. I. Леніну сабраў тых, для каго гэтая дата застаецца сімвалам гістарычнага пералому, сацыяльнай справядлівасці і нацыянальнага адраджэння.

Перад удзельнікамі выступілі намеснік старшыні райвыканкама Вераніка Хомбак, якая павіншавала прысутных са святам, а таксама першы сакратар Лепельскай раённай арганізацыі Камуністычнай партыі Беларусі Яўген Яско.

"Мы адзначаем гэтае свята з гонарам і ўдзячнасцю да тых, хто змагаўся за светлую будучыню працоўных, за жыццё без рабства і матэрыяльную роўнасць. Мы жывем у свабоднай, моцнай і незалежнай краіне і гэтым ганарымся!" - падкрэсліў Яўген Яско.

Удзельнікі ўрачыстасці ўсклалі кветкі да падножжа помніка У.I. Леніну, як даніна павагі заснавальніку савецкай дзяржавы.

Захоўваючы гэты дзень сярод іншых памятных дат, мы тым самым аддаём даніну павагі мільёнам людзей, для якіх многія гады гэта было галоўнае свята дзяржавы.