07.08.2025

Аграрыі — сапраўдныя героі нашага часу!

Іх упартасць, адказнасць і імкненне да выніку натхняюць, а рэкорды — яркае пацвярджэнне прафесіяналізму і працавітасці.

Першым у раёне ў 2025 годзе заваяваць запаветную мяжу ў 1000 тон збожжа ўдалося маладому камбайнеру Паўлу Курбацкаму з філіяла "Баброва-Агра" ЗАТ "Віцебскаграпрадукт"!

Старэйшы камбайнер не толькі ўстанавіў асабісты рэкорд, але і стаў пераможцам раённага спаборніцтва сярод маладзёжных экіпажаў за лепшыя паказчыкі на ўборцы збожжавых.

Павіншаваць Паўла з працоўнай перамогай проста на поле прыехалі: кіраўнік Лепельскага раёна Міхаіл Кісялевіч, старшыня райкама прафсаюза работнікаў АПК Наталля Мончык, старшыня аграпрамысловага холдынгу "Славянскі Велес" Уладзімір Некрашэвіч.

Уладзімір Некрашэвіч павіншаваў таксама Івана Петухоўскага, які намалаціў у агульнай суме тысячу тон на тэрыторыі двух раёнаў.

Так трымаць! Ваша праца — аснова дабрабыту раёна і краіны. Ганарымся і жадаем новых рэкордаў!