03.04.2025

Больш за 5000 кіламетраў на аўтадроме, каб сустрэцца з беларусамі і дамовіцца аб патрыятычным мерапрыемстве

Госцяй нашага раёна стала Алена Нядзвецкая з Архангельскай вобласці.

Жанчына ўзначальвае грамадскую арганізацыю грамадзянска-патрыятычнага выхавання "Архангельскі міжрэгіянальны пошукавы цэнтр".

Яе мэта - арганізаваць на тэрыторыі Віцебскай вобласці і ў прыватнасці ў Лепельскім раёне аўтапрабег "Дарогамі памяці і подзвігу" па месцах гібелі яе землякоў на тэрыторыі паўночнага рэгіёна Беларусі ў гады Вялікай Айчыннай вайны.

Лепельчане, безумоўна, да такіх ідэй і прапаноў заўсёды адкрыты, таму і сустрэліся з прадстаўніцай брацкага народа, каб дэталёва абмеркаваць план правядзення сумесных патрыятычных мерапрыемстваў. За круглым сталом райвыканкама - кіраўнік грамадскай арганізацыі, прадстаўнікі раённай улады і пошукавага батальёна.

Чакаецца, што ў склад расійскай дэлегацыі ўвойдуць каля 30 чалавек. Гэта і дзеці ад 12 гадоў, і студэнты, і дарослыя. У маршруце аўтапрабегу такія населеныя пункты, як Лепель, Талачын, Новалукомль, Чашнікі, Шаркаўшчына, Мiёры, Браслаў.

Падчас архіўнай работы нам удалося высветліць, што каля дзвюх з паловай тысяч ураджэнцаў Архангельскай вобласці аддалі свае жыцці на тэрыторыі вашай краіны, а больш за палову з іх - на тэрыторыі Віцебскай вобласці. Па гэтай прычыне апошнія гады мы праводзім мерапрыемствы на Віцебшчыне, кожны год змяняючы населеныя пункты. Мы - брацкія народы, і памяць аб той страшнай вайне - гэта наша агульная памяць, наш агульны боль. Прыезд Алены Нядзвецкай завяршыўся наведваннем Цэнтра рамёстваў, дзе для яе спецыялістамі цэнтра была праведзена экскурсія.

Таксама Алена Васільеўна прыняла ўдзел у раённай акцыі "Сцяжкі Перамогі".

Сімвалічна, што візіт жыхаркі Архангельскай вобласці адбыўся напярэдадні Дня яднання народаў Беларусі і Расіі.