12.03.2025

Гэты год для беларусаў асаблівы - у маі мы адзначым 80-годдзе з Дня Перамогі ў Вялікай Айчыннай вайне

У Лепельскім раёне ўжо вядзецца актыўная работа па падрыхтоўцы да юбілейнай даты. І няма сумненняў у тым, што практычна ўсе жыхары Лепельшчыны так ці інакш будуць задзейнічаны ў мерапрыемствах, прысвечаных Вялікай Перамозе. Бо гэта наш абавязак, наша праява павагі і падзякі тым, хто ў цяжкіх баях адстойваў свабоду і мір.

Сёння нам удалося даведацца, што цікавага рыхтуе для гараджан тэатральнае аддзяленне дзіцячай школы мастацтваў. Як аказалася ў гэтыя дні тут праходзяць рэпетыцыі спектакля пад назвай "Сям'я пераможцаў" (па матывах п'есы Вольгі Гарачавай "Падранкі"). Гісторыя распавядае пра лёс выхаванцаў дзіцячага дома ў гады вайны.

Першы паказ спектакля запланаваны ў зале ДШМ 19 сакавіка.