03.01.2025

Штогод 5 студзеня ў нашай краіне адзначаецца Дзень работнікаў сацыяльнай абароны

Ён прысвечаны людзям, якія аказваюць дапамогу рознага роду на даму, ва ўстановах сацыяльнага абслугоўвання людзям сталага ўзросту і страціўшым здольнасці да самаабслугоўвання.

Напярэдадні прафесійнага свята ў Лепелі прайшла ўрачыстая сустрэча, прысвечаная прадстаўнікам адной з самых высакародных прафесій. Выказаць сваю падзяку і пажадаць усяго самага добрага прыйшлі Вераніка Хомбак, намеснік старшыні райвыканкама, а таксама Марына Іназемцава, начальнік упраўлення па працы, занятасці і сацыяльнай абароне Лепельскага райвыканкама.

У Лепельскім раёне ў сферы сацыяльнага абслугоўвання сёння працуюць каля 200 чалавек. Бесперабойную і якасную работу напрамку забяспечвае калектыў упраўлення па працы, занятасці і сацыяльнай абароне райвыканкама, і ў прыватнасці тэрытарыяльнага цэнтра сацыяльнага абслугоўвання насельніцтва Лепельскага раёна.