14.11.2025

Форум маладых спецыялістаў Лепельскага раёна

Сёлета 152 маладыя спецыялісты "ўліліся" ў працоўныя калектывы Лепельскага раёна.

Сёння для іх праходзіць маштабны форум, які дасць магчымасць маладым работнікам не толькі сустрэцца, пагутарыць, але і пабольш даведацца пра Лепельшчыну.

Хлопцы прыбылі ў Бярэзінскі біясферны запаведнік, дзе для іх падрыхтавана інтэрактыўная праграма - гульні, конкурсы і камандныя заданні, якія дапамаглі моладзі згуртавацца і наладзіць сяброўскія адносіны.

Не ўпусцілі магчымасць маладыя спецыялісты зрабіць фатаграфіі на фоне маляўнічых пейзажаў і падзяліцца ўражаннямі з сябрамі!

Не менш здзівіў сваёй вытанчанасцю цэнтр экалагічнай асветы, які наведалі маладыя спецыялісты сёння.

Ён уяўляе сабой сучасную шматфункцыянальную прастору, абсталяваную найноўшымі відэа- і аўдыётэхналогіямі.

Для моладзі тут таксама была арганізавана займальная экскурсія па ўнікальным Музеі запаведнай справы.

Дарэчы, экскурсію для маладых людзей правёў Алег Шафаровіч - пераможца абласнога этапу конкурсу прафесійнага майстэрства"ЅuрегПРОФI - 2025".

20 лістапада Алег прыме ўдзел у рэспубліканскім этапе конкурсу ў г. Мінску!

Не менш уражлівым стаў візіт у Музей прыроды Бярэзінскага запаведніка, дзе ўдзельнікі даведаліся мноства займальных фактаў пра зуброў, мядзведзяў, баброў і іншых прадстаўнікоў беларускай фаўны.

Працяг будзе...