Кіраўнік раёна Міхаіл Кісялевіч, а таксама яго намеснік Вераніка Хомбак павіншавалі з Новым годам і Калядамі маленькіх жыхароў Лепельшчыны, якія гэтымі днямі праходзяць лячэнне ў педыятрычным аддзяленні Лепельскай цэнтральнай раённай бальніцы

Міхаіл Кісялевіч пажадаў малышам самага галоўнага - моцнага здароўя і каб дзеці заўсёды сустракалі Новы год і Каляды дома ў коле сям'і. А яшчэ быць вясёлымі, пазітыўнымі і актыўнымі.

Дзеці, а таксама іх мамы былі рады такой увазе і падарункам, бо добрыя эмоцыі — гэта таксама свайго роду лекі для хутчэйшага выздараўлення.

Дарэчы, сёння ў педыятрыі на лячэнні знаходзяцца 8 дзяцей. Каб хлопцы хутчэй папраўляліся, медперсанал для іх асабліва пастараўся, упрыгожыўшы аддзяленне па-навагодняму.

Святочны настрой падымае дзецям і яркая зялёная прыгажуня з рознакаляровымі агнямі і цацкамі.

Хутчэйшай выпіскі, маленькія лепельчане!