У рамках рэспубліканскай акцыі "Ад усёй душы" аддзяленне кругласутачнага знаходжання "Святліца" ТЦСАН Лепельскага раёна наведалі старшыня Лепельскага раённага Савета дэпутатаў Ігар Урбан, дэпутат Палаты прадстаўнікоў Нацыянальнага сходу Рэспублікі Беларусь, Віктар Азаронак, а таксама кіраўнікі ўстаноў, прадпрыемстваў і ведамстваў раёна.

Шмат цёплых слоў гучала ў адрас прысутных, дружна ўсе падпявалі вядомыя песні, ад душы апладзіравалі артыстам.

Звяртаючыся да прысутных у зале ветэранаў працы, пастаяльцаў аддзялення і гасцей, Ігар Урбан адзначыў:

У нас ёсць выдатная нагода яшчэ раз звярнуцца да старэйшага пакалення і выказаць вам глыбокую павагу за вашу шматгадовую працу і жыццёвы вопыт, які з'яўляецца для нас арыенцірам. Ваша жыццё - гэта жывая гісторыя, прыклад стойкасці, працы і адданасці сваёй справе. Я ўпэўнены, што цёплыя словы і пажаданні моцнага здароўя і доўгіх гадоў жыцця будуць гучаць у ваш адрас не толькі ў гэтыя святочныя дні, але і на працягу ўсяго года вы будзеце адчуваць любоў і падтрымку тых, хто знаходзіцца з вамі побач.

Галоўная мэта дасягнута - добры настрой быў абсалютна ва ўсіх!