14.10.2022

Кіраўніцтва Лепельскага раёна віншуе з Днём маці

Дарагія жанчыны!
Прыміце сардэчныя віншаванні з выдатным святам – Днём маці!

Гэты асаблівы дзень - даніна павагі ўсім маці і прызнанне на дзяржаўным узроўні найважнейшай ролі жанчыны ў развіцці грамадства.

Менавіта дзякуючы жанчыне пачынаецца і працягваецца жыццё на зямлі. Мама - гэта галоўны настаўнік, мудры дарадца і самы адданы сябар. Мацярынскае каханне было і застаецца вялікай стваральнай сілай, апорай духоўнасці, высокай маральнасці і патрыятызму.

Мы ганарымся нашымі жанчынамі, якія з'яўляюцца прадстаўнікамі самых розных прафесій, паспяхова сумяшчаюць працоўную і грамадскую дзейнасць і пры гэтым застаюцца клапатлівымі маці і кахаючымі жонкамi.

У гэты святочны дзень мы шчыра дзякуем усім жанчынам за нястомную працу і цярпенне, мудрасць і велікадушнасць!

Жадаем вам моцнага здароўя, шчасця, аптымізму і дабрабыту, здзяйснення самых запаветных жаданняў!

Старшыня Лепельскага райвыканкама Міхаіл Кісялевіч

Старшыня Лепельскага райсавета Ігар Урбан