06.11.2025

Калегія ідэалагічнага актыву вобласці

Пасля практычнай часткі семінара ў Лепельскім РДК адбылося пленарнае пасяджэнне, на якім падвялі вынікі работы і задалі новыя мэты для ідэалагічнай вертыкалі Віцебскай вобласці.

У пасяджэнні прыняла ўдзел намеснік старшыні Лепельскага райвыканкама Вераніка Хомбак.

Начальнік галоўнага ўпраўлення Віцебскага аблвыканкама Марына Навіцкая, адкрываючы пасяджэнне адзначыла:

Строгае выкананне заканадаўства і паўсюднае выкарыстанне дзяржаўнай сімволікі, а таксама актыўнае прывіццё любові да яе з ранняга ўзросту, з'яўляюцца ключавымі аспектамі паспяховага патрыятычнага выхавання і ідэалагічнай работы.

Па выніках пасяджэння былі выпрацаваны рашэнні, якія вызначаць ідэалагічную работу ў рэгіёне на бліжэйшую перспектыву.

Афіцыйная частка мерапрыемства завяршылася ўрачыстай цырымоніяй узнагароджання.

У тым ліку за добрасумленную працу, высокі прафесіяналізм і актыўную грамадскую дзейнасць Ганаровай граматай галоўнага ўпраўлення ідэалагічнай работы і па справах моладзі Віцебскага аблвыканкама ўзнагароджана галоўны рэдактар раённай газеты "Лепельскі край" Яна Міснік.

Гэтая ўзнагарода стала асабліва сімвалічнай, так як прымеркаваная да 95-годдзя газеты.