02.06.2025

КУП ДРАЦ "Жамчужына" адсвяткаваў свой 23-ці дзень нараджэння! Ужо больш за два дзесяцігоддзі цэнтр выконвае сваю місію - аздараўленне дзяцей

У гэты святочны дзень павіншавалі калектыў і ветэранаў, чыя праца дапамагае "Жамчужыне" заставацца месцам, дзе дзеці атрымліваюць клопат, лячэнне і ўвагу. У гонар свята адбыўся яркі канцэрт, напоўнены цёплымі словамі, творчымі нумарамі і падзякамі.

Асабліва адзначылі 20 супрацоўнікаў, якія ўнеслі значны ўклад у развіццё цэнтра. За шматгадовую добрасумленную працу іх узнагародзілі ганаровымі граматамі, а таксама прэміявалі паездкай на "Славянскі базар" — выдатная магчымасць адпачыць і натхніцца!

"Жамчужына" — гэта не проста цэнтр, гэта дом, дзе аднаўляюць здароўе, дораць радасць і веру ў будучыню. Віншуем калектыў са святам і жадаем новых дасягненняў, дабрабыту і яшчэ больш шчаслівых дзіцячых усмешак!