08.05.2025

Лепельскі раённы аддзел па надзвычайных сітуацыях далучыўся да чарады віншаванняў і добрых спраў напярэдадні Дня Вялікай Перамогі

Аляксей Гірс, першы намеснік начальніка РАНС, а таксама Аляксей Ілюшын, начальнік Лепельскага ўчастка ДIМС, сёння наведалі Пятра Палонскага, інваліда дзяцінства па наступствах вайны.

У гэтую раніцу ў форме былі не толькі мужчыны, але і выдатная малая - Ксенія Алюшына, навучэнка Заслонаўскай школы. Дзяўчынка прыйшла на сустрэчу разам з бацькам, а да мерапрыемства рыхтавалася вельмі старанна. Ваенная форма, падарункі, кветкі, песня - усё ў знак прызнання і падзякі ў адрас Пятра Палонскага.

- З кожным годам тых, хто памятае жахі вайны, застаецца ўсё менш, і наш абавязак паказаць ім, што яны не забытыя, што нашай падзяке за іх ахвяру няма мяжы. Дарагія ветэраны, вялікі вам дзякуй! Мы жадаем вам шчасця, здароўя і яшчэ доўгіх гадоў жыцця, - адзначылі госці ў віншаванні.