04.02.2022

Лепяльчане прынялі ўдзел у конкурсе-фестывалі «Час выбраў нас»

У Лёзна прайшоў рэгіянальны конкурс-фестываль афганскай і патрыятычнай песні і паэзіі “Час выбраў нас”, прысвечаны Году гістарычнай памяці.

Напярэдадні Дня вываду савецкіх войскаў з Афганістана лепяльчане таксама не засталіся ў баку: дэлегацыя нашага раёна з 5 чалавек прыняла актыўны ўдзел у мерапрыемстве.

Сярод пераможцаў - лепяльчанін Ігар Вішнеўскі. Усё сваё жыццё мужчына сябруе з музыкай, не можа без гітары і дня правесці. Нават з хлопцамі на службе здолелі зрабіць гітару са скрыні з-пад патронаў. "Толькі б грыф і струны былі, а астатняе можна і самому змайстраваць”, - лічыць Ігар.