29 жніўня на базе абласнога ўпраўлення МНС і Віцебскага вучылішча алімпійскага рэзерву прайшоў абласны этап конкурсу прафесійнага майстэрства сярод маладых спецыялістаў.

Удзел у мерапрыемстве прыняў 31 малады работнік гарадскіх і раённых аддзелаў МНС з кожнага кутка Віцебшчыны, якія скончылі Універсітэт грамадзянскай абароны МНС Беларусі на дзённай форме атрымання адукацыі і праходзячых службу ў падраздзяленнях не больш за тры гады.

Спаборнiцтвы маладых афіцэраў праходзілі па двух кірунках: «Ліквідацыя надзвычайных сітуацый» і «Папярэджанне надзвычайных сітуацый». Удзельнікам для вызначэння пераможцаў неабходна было прайсці конкурсы па агульнапрафесійнай, спецыяльнай і фізічнай падрыхтоўцы.

Правядзенне дадзенага мерапрыемства дазволіла павысіць узровень прафесійнага майстэрства маладых спецыялістаў, выявіць кандыдатаў для ўдзелу ў рэспубліканскім конкурсе.

Падвёў вынікі спаборніцкага дня начальнік Віцебскага абласнога ўпраўлення МНС Сяргей Мялешкін сумесна з першым намеснікам начальніка ўпраўлення Андрэем Гаўрыленка. Кіраўнікі адзначылі важнасць гэтага мерапрыемства для развіцця прафесійнага майстэрства, дзелавых і маральных якасцей.

Сяргей Мікалаевіч павіншаваў пераможцаў і прызёраў, уручыў заслужаныя ўзнагароды і пажадаў не спыняцца на дасягнутых поспехах.

Па кірунку «Папярэджанне надзвычайных сітуацый»:

1 месца - Маркін Ілля Віктаравіч (Віцебскі ГАНС);

2 месца – Стрыжэнь Маргарыта Віктараўна (Віцебская ГАНС);

3 месца - Жарнасек Павел Андрэевіч (Лепельскі РАНС).

Пажадаем нашым прадстаўнікам поспехаў у выступленні на рэспубліканскім конкурсе, які пройдзе на базе Універсітэта грамадзянскай абароны МНС Беларусі ў кастрычніку.

https://lepel-kraj.by/novosti/puls-lepelshchiny/lepelchanin-sredi-pobediteley-oblastnogo-etapa-konkursa-profmasterstva-sotrudnikov-mchs-30-08-2023