10.10.2024

"Лес. Моладзь. Будучыня" - пад такой назвай абласны семінар-нарада з маладымі спецыялістамі лясной сферы, якія папоўнілі сёлета кадравы склад Віцебскай вобласці, праходзіць на базе Лепельскага лясгаса

Учорашнія выпускнікі вышэйшых і сярэдніх спецыяльных устаноў адукацыі сабраліся разам, каб пагутарыць, атрымаць карысную інфармацыю, абмяняцца думкамі і задаць хвалюючыя пытанні кіраўніцтву паўночнага рэгіёну. Каля ўдзельнікаў, з іх 5 маладых спецыялістаў Лепельскага лясгаса.

З прывітальным словам да ўдзельнікаў семінара звярнуўся дырэктар прадпрыемства Андрэй Бародзіч. Потым дружная каманда маладых лесаводаў наведала дрэваапрацоўчы цэх.

Пазнавальная экскурсія працягнулася ў Стайскім лясніцтве, дзе ўвазе рабят быў прадстаўлены сучасны адміністрацыйны будынак і добраўпарадкаваная тэрыторыя.

Галоўны ляснічы Андрэй Старынскі і ляснічы дадзенага лясніцтва Андрэй Дзямко распавялі маладым спецыялістамі пра існуючыя асаблівасці і спецыфіку працы ў лясніцтвах. Таксама ўдзельнікам семінара прадэманстравалі аснашчанасць лясной пажарнай аховы.

Незабыўныя ўражанні пакінула наступная лакацыя - квартал 69, дзе прысутныя азнаёміліся з апрацоўкай лясных культур ад патраў дзікіх жывёл біятэхнічным сродкам.

У культурнай праграме маладых лесаводаў Віцебшчыны значыліся 2 аб'екты, якія захоўваюць гістарычную памяць нашага краю, - раённы краязнаўчы музей і Цэнтр рамёстваў.

Падчас экскурсіі маладыя спецыялісты даведаліся пра побыт і традыцыйныя заняткі нашых продкаў і шмат цікавых фактаў пра Лепельшчыну.