17.03.2025

Сакавік у Беларусі - месяц прамысловага турызму

Адно з самых паспяховых і буйных прадпрыемстваў на Лепельшчыне - філіял "Лепельскі МКК" ААТ "Віцебскі мясакамбінат"

Топ-5 фактаў пра нашу "Лепельку":

- Гісторыя прадпрыемства пачынаецца з красавіка 1951 года, калі быў створаны малочны камбінат у г. Лепелі.

- Філіял выпускае больш за 50 найменняў прадукцыі: гэта розныя віды малака, марожанага, масла, тварагу і тварожных вырабаў, смятаны, сухіх малочных кансерваў, кісламалочнай прадукцыі.

- Філіял з'яўляецца адным з вядучых вытворцаў сухога малака і масла на Віцебшчыне. Каб прадукцыя кампаніі нязменна заставалася натуральнай, сыравіна для яе вытворчасці паступае з экалагічна чыстых раёнаў, а ў працэсе вытворчасці не выкарыстоўваюцца кансерванты.

- У летні сезон прадпрыемства выпускае каля 60 тон марожанага.

- У конкурсе "Лепшыя тавары Рэспублікі Беларусь" за 2024 год перамогу атрымала марожанае пламбір масавай доляй тлушчу 15%, а таксама масла сметанковае несалёнае масавай доляй тлушчу 82,5%.