04.12.2025

Міліцыя ўзмоцніць прафілактыку правапарушэнняў: з 5 па 7 снежня ў Лепельскім раёне пройдзе спецмерапрыемства "Правапарадак"

Як паведамілі ў Лепельскім РАУС, галоўная задача супрацоўнікаў міліцыі ў ходзе правядзення СКМ "Правапарадак" заключаецца ў своечасовым выяўленні і спыненні любой супрацьпраўнай дзейнасці, раскрыцці злачынстваў "па гарачых слядах", і ў прафілактыцы здзяйснення вулічных правапарушэнняў і злачынстваў.

У гэты перыяд міліцыя ажыццявіць узмоцнены кантроль за грамадзянамі, якія знаходзяцца на ўліках у крымінальна-выканаўчай інспекцыі, аддзеле аховы правапарадку і прафілактыкі, за здзяйсненне злачынстваў супраць грамадскага парадку, жыцця і здароўя грамадзян.

Таксама будзе асаблівая ўвага накіравана на непаўналетніх, з якімі праводзіцца індывідуальная прафілактычная работа.