03.03.2025

Міністэрства прыродных рэсурсаў і аховы навакольнага асяроддзя Рэспублікі Беларусь абвясціла аб правядзенне экалагічнай акцыі "Зробім лункі – выратуем рыбу ад замору!"

Адной з адмоўных з'яў на водных аб'ектах Беларусі, якія прыносяць вялікую шкоду, з'яўляюцца заморы - масавая гібель рыб у выніку змяншэння растворанага ў вадзе кіслароду.

Далучыліся да акцыі начальнік раённай інспекцыі прыродных рэсурсаў і аховы навакольнага асяроддзя Вольга Бажэнава сумесна з супрацоўнікамі Лепельскага раённага аддзела па надзвычайных сітуацыях, якія прасеклі лункі на возеры Азарэнскае Лепельскага раёна.

Вольга Валер'еўна адзначыла, што рыбаловы-аматары, якія бываюць на вадаёмах таксама, могуць дапамагчы зімуючай рыбе: некалькі прасечаных лунак – гэта дадатковая колькасць кіслароду ў вадзе.