Мабільная група райвыканкама правяла абследаванне арганізацый Лепельскага раёна па выкананні заканадаўства аб ахове працы, забеспячэння здаровых і бяспечных умоў працы, з мэтай аказання метадычнай дапамогі па пытаннях аховы працы, электрабяспекі, гігіены, пажарнай бяспекі.

Спецыялісты наведалі Лепельскі лясгас, ДП "Лепельскае ПМС" і філіял "ДЭУ №37" РУП "Віцебскаўтадар".

Пад пільную ўвагу правяраючых патрапіла ўсё: і працоўныя месцы, і дакументацыя па ахове працы. Арганізаваны былі і сустрэчы з калектывамі.

- Каб выключыць траўміраванне, усюды на працоўных месцах павінны быць арганізаваны бяспечныя ўмовы, а супрацоўнікі павінны ведаць і выконваць правілы, — адзначыў намеснік старшыні райвыканкама Вячаслаў Машара.