10.11.2025

Мы родам з СССР

7 лістапада ў РДК прайшоў неверагодна цёплы вечар-успамін!

Гэта быў не проста канцэрт. Гэта было падарожжа ў часе:

Дружна спявалі "А гады ляцяць...", "Рабінавыя каралі" і "Сіні туман". Адгадвалі хіты па першых нотах і савецкія перадачы па застаўках! Хорам цытавалі "Іван Васільевіч..." і "Каўказскую палонніцу". Складалі прыпеўкі і ўспаміналі, "якога колеру здзіўленне".

Завяршыўся вечар сімвалічна і пранізліва. Усе разам, артысты і гледачы, выканалі гімн жыцця і надзеі - песню "Я люблю цябе, жыццё!" у суправаджэнні народнай вакальнай групы "Ветэран".

Як і належыць у сапраўднае савецкае свята, развітанне было не развітаннем, а толькі пачаткам танцавальнага вечара. Пад гукі калісьці забытых, але такіх родных мелодый госці працягнулі вечар, успамінаючы сваю маладосць, сяброў і тую вялікую краіну, з якой усе яны родам.

Было светла і трохі сумна. А як інакш, калі ўспамінаеш цэлую эпоху?