17.01.2025

На базе Бароўскай сярэдняй школы ім. Г.К. Жукава Лепельскага раёна сёння праходзяць раённыя спаборніцтвы сярод дзяцей і падлеткаў па біятлоне "Снежны снайпер" на прызы Прэзідэнцкага спартыўнага клуба

Спаборніцтвы праводзяцца ў трох узроставых катэгорыях. Сёлета за званні лепшых будуць змагацца 82 школьнікі. Традыцыйна ў дадзеным турніры ўдзельнічаюць хлопцы, якія не займаюцца біятлонам і лыжнымі гонкамі ў спецыялізаваных вучэбна-спартыўных установах.

У сувязі з адсутнасцю снежнага покрыва лыжная гонка заменена на бег той жа дыстанцыі.

Сёння спаборнічаюць хлопчыкі ўсіх узроставых груп. "Снежны снайпер" - адно з самых масавых спаборніцтваў Прэзідэнцкага спартыўнага клуба сярод дзяцей і падлеткаў, якое дазваляе выявіць дзяцей з патэнцыялам, з магчымасцю далейшага развіцця і ўваходжання ў вялікі спорт.