07.04.2025

На базе факультэта біялогіі і экалогіі Гродзенскага дзяржаўнага ўніверсітэта ім. Янкі Купалы прайшла VIII міжнародная навукова-практычная канферэнцыя "Заалагічныя чытанні-2025"

У канферэнцыі прынялі ўдзел старэйшыя навуковыя супрацоўнікі Бярэзінскага біясфернага запаведніка Аляксандр Лукашук і Аляксандр Рак.

Аляксандр Лукашук, адзін з лепшых спецыялістаў Беларусі па клапах, сумесна з садакладчыкамі з НПЦ НАН Беларусі па біярэсурсах расказаў аб сапраўдных шчытніках Бярэзінскага біясфернага запаведніка і Палескага дзяржаўнага радыяцыйна-экалагічнага запаведніка.

Малады навуковец запаведніка Аляксандр Рак разам са сваім калегам з БДУ, доктарам біялагічных навук, прафесарам Васілём Грычыкам паказалі магчымыя прычыны росту колькасці бурага мядзведзя ў Бярэзінскім біясферным запаведніку, а таксама прадставілі вопыт аналізу літаратурных крыніц аб яго распаўсюдзе на тэрыторыі Беларусі ў 18-19 стагоддзях.