02.06.2025

На базе фізкультурна-аздараўленчага цэнтра "Басейн" Лепельскі раённы камітэт ГА "БРСМ", сумесна з сектарам спорту і турызму правялі спаборніцтвы па плаванні "Маладзёжны заплыў"

У спаборніцтвах прыняла ўдзел моладзь, якая працуе ў арганізацыях, прадпрыемствах, установах Лепельскага раёна.

Спартсмены спаборнічалі ў індывідуальных заплывах вольным стылем. Акрамя гэтага, асобна праходзіла эстафетнае плаванне.

- Для кожнага плыўца спаборніцтвы маюць вялікае значэнне: спартсмен аналізуе свае вынікі, узровень падрыхтоўкі, - адзначыў Раман Жарнасек, суддзя спаборніцтваў . - Для трэнераў спаборніцтва з'яўляюцца ўдалым момантам, калі можна адсачыць недапрацоўкі, каб потым іх выправіць. Але галоўнае, такія мерапрыемствы збліжаюць, даюць масу станоўчых эмоцый і зарад для далейшай работы, - падкрэсліў Раман.

Пераможцы і прызёры былі ўзнагароджаны медалямі і дыпломамі.