24.05.2024

На базе Лепельскай выратавальнай станцыі адбылася нарада РДГА АСВОД Віцебскай вобласці

На базе Лепельскай выратавальнай станцыі на гарадскім пляжы адбылася нарада РДГА АСВОД Віцебскай вобласці, на якую з'ехаліся прадстаўнікі АСВОДа з розных куткоў паўночнага рэгіёна.

Адкрыў пасяджэнне старшыня абласной арганізацыі АСВОД Аляксандр Мясаедаў, які расказаў прысутным аб лепельскай станцыі і акваторыі возера Лепельскае. Было адзначана, што сучасны будынак станцыі ажыццяўляе дзейнасць з 22 сакавіка 2023 года, а таксама што ратавальнікі на сто працэнтаў гатовыя да купальнага сезону.

Затым з супрацоўнікам Белтэлекама абмеркавалі пытанні ўстаноўкі камер відэаназірання на пляжах і іншыя працоўныя пытанні.

Аб падрыхтоўцы да купальнага сезона расказаў начальнік вадалазна-выратавальнай службы абласной арганізацыі Вячаслаў Горын.

Падрыхтоўку і здачу задання С-2 і нарматываў ратавальніка-вадалаза правёў вадалазны спецыяліст Алег Рубанік. Супрацоўнікам станцый прыйшлося добра падумаць, каб здаць тэарэтычны іспыт. Але адной тэорыяй у гэты дзень не абышлося - былі таксама практычныя апусканні вадалазаў.

Аб гатоўнасці выратавальных станцый да купальнага сезона на нарадзе далажылі кіраўнікі станцый. Звернута ўвага на ахову працы супрацоўнікаў у летні перыяд і афармленне дакументацыі.

Прыемным момантам мерапрыемства стала ўручэнне старшынёй абласной арганізацыі Аляксандрам Мясаедавым граматы за плённую работу і ў сувязі з юбілеем начальніку Лепельскай выратавальнай станцыі Ігару Міхно. Хочацца адзначыць, што сёння АСВОД ажыццяўляе такія задачы, як ратаванне і ахова жыцця людзей на водах рэспублікі ў раёнах дзеяння выратавальных станцый і пастоў, арганізоўвае і праводзіць тлумачальную работу сярод насельніцтва па папярэджанні няшчасных выпадкаў на водах, навучае насельніцтва прыёмам ратавання і аказанні першай дапамогі асобам, якія церпяць бедства на водах, і іншыя задачы.

Як адзначылі ўдзельнікі нарады, такія сустрэчы даюць магчымасць абмяняцца вопытам, супаставіць сваю работу з работай іншых. Але галоўная агульная задача - прафілактыка няшчасных выпадкаў на вадаёмах. Калі казаць аб статыстыцы, то ў 2023 годзе ў Віцебскай вобласці патанула 65 чалавек, у 2015 - 79 чалавек, а ў 2010 - 224. Абваднёнасць тэрыторыі Рэспублікі Беларусь выглядае наступным чынам: Віцебская вобласць - 31 працэнт, Мінская - 20 працэнтаў, Гомельская - 18, Брэсцкая - 17, Гродзенская і Магілёўская - па 7 працэнтаў. Галоўнымі прычынамі гібелі на водах па-ранейшаму застаюцца парушэнне правілаў адпачынку пры купанні, злоўжыванне гарачыльнымі напоямі, а таксама няўвага бацькоў да сваіх дзяцей. У завяршэнне хочацца сказаць дзякуй вялікай камандзе водных ратавальнікаў нашай краіны: у скарбонцы галоўных дасягненняў работнікаў АСВОДа за гэты працяглы перыяд ужо не адна сотня тысяч выратаваных жыццяў. Сярод супрацоўнікаў АСВОДа - людзі розных узростаў, але аб'яднаныя адной высакароднай мэтай: стаяць на варце чалавечых жыццяў.

Наталля Храпавіцкая. Газета "Лепельскі край"