16.12.2024

На базе Лепельскай ДШМ для ідэалагічнага актыву раёна прайшоў семінар па арганізацыі ідэалагічнай работы ў працоўных калектывах

У пачатку мерапрыемства намеснік старшыні райвыканкама Вераніка Хомбак пазнаёміла прысутных з выставай беларускай міфалогіі, ідэя стварэння якой належыць ёй і педагогам ДШМ.

Затым у прывітальным слове Вераніка Аляксандраўна адзначыла, што ў ідэалагічнай рабоце дробязяў не бывае і важна стварыць спрыяльны мікраклімат у працоўным калектыве і выхаваць адказнасць у кожнага работніка.

Удзельнікі семінара пачулі, як рэалізуюцца на практыцы асноўныя напрамкі рэспубліканскіх праграм у ДШМ і КУПСГП "Лепельскае", як трэба працаваць кіраўніку з кадрамі, што ўваходзіць у функцыі ідэолага і чым прыцягнуць да грамадскіх спраў моладзь.

"Выбары Прэзідэнта Рэспублікі Беларусь: будучыня залежыць ад нас" - на гэтую тэму выступіла начальнік аддзела ідэалагічнай работы і па справах моладзі райвыканкама Святлана Шавялёва.