03.12.2024

На Лепельшчыне адбылася сустрэча інфармацыйна-прапагандысцкай групы УП "Віцебскаблводаканал" з працоўным калектывам філіяла "Лепельводаканал"

Галоўнай стала тэма "Выбары Прэзідэнта Рэспублікі Беларусь: будучыня залежыць ад нас"

У рамках сустрэчы пагаварылі пра тое, як праходзіць падрыхтоўка да выбараў і правядзенне гэтай важнай палітычнай падзеі, чаму важна прыйсці і аддаць свой голас на выбарах Прэзідэнта Рэспублікі Беларусь.

- Наш народ зробіць свой выбар і вырашыць, з кім Беларусь пойдзе далей па шляху развіцця і стварэння, захаваўшы мір на роднай зямлі і не даўшы ўцягнуць сябе ў ваеннае супрацьстаянне!" - падкрэсліла кіраўніцтва прадпрыемства.

Выступленне атрымалася насычаным. Таксама Дзмітрый Кліманскі засяродзіў увагу калег на такой сур'ёзнай тэме як "Экстрэмізм" і "Інтэрнэт-гігіена", нагадаў аб неабходнасці захавання Кодэкса прафесійнай этыкі, паляпшэнні працоўнай і выканальніцкай дысцыпліны.