У раённым Доме культуры прайшоў 14-ы дзіцячы міжшкольны Калядны фестываль «Віфлеемская зорка», прысвечаны важнаму і радаснаму хрысціянскаму святу — Раству Хрыстову. Наталля Мікалаеўна павіншавала ўсіх са светлым святам і адзначыла, што Раство Хрыстова аб'ядноўвае і сагравае сэрцы людзей. Гэты прасвядны час умацоўвае веру, дорыць надзеі на перамены да лепшага, нагадвае пра важнасць згоды паміж людзьмі, а таксама вяртае да вытокаў вечных каштоўнасцяў.
У песнях, вершах і танцах расказвалі юныя артысты гісторыю з'яўлення ў свет Богадзіцяці Ісуса.

 

Цяпло сустракалі гледачы выступы Аляксандра Ляшкевіча, які расказаў верш «У адзін з дзён календара», навучэнцаў Старалепельскай базавай школы ім. А. А. Марунько, Палсвіжскай базавай школы ім. М. М. Тамашэвіча, Заслонаўскай сярэдняй школы Лепельскага раёна, Стайскай сярэдняй школы, раённага цэнтра дзяцей і моладзі (Дамжэрыцы), аграрна-тэхнічнага каледжа, гімназіі ім. І. М. Ярашова, СШ №1, Бароўскай сярэдняй школы ім. Г. К. Жукава, выхаванцаў нядзельных школ, Старалядзенскай яслі-сад - базавай школы ім. П. Ф. Занько і іншых артыстаў.

Харавыя спевы і сольныя выступленні, яркія касцюмы, вершы, якія кранаюць да глыбіні душы, — усё гэта сведчыць аб тым, што да свята юныя лепельчане рыхтаваліся з задавальненнем і старанна.

Хочацца адзначыць, што кожны год арганізатары не перастаюць здзіўляць разнастайнасцю нумароў гасцей фестывалю. Стварыць атмасферу душэўнага свята і адзінства дапамагла выстава, на якой прадстаўлены работы, прысвечаныя светламу святу.