На выязным пашыраным пасяджэнні Прэзідыума Савета Рэспублікі Нацыянальнага сходу Рэспублікі Беларусь ва Ушачах разглядаецца работа са зваротамі грамадзян, якія паступілі ад жыхароў Віцебшчыны, у прыватнасці, падчас праведзенага адзінага дня прыёму парламентарыямі.

Як адзначыла Наталля Качанава, статыстыка са зваротамі грамадзян у Віцебскай вобласці досыць пазітыўная. Скаргаў стала нашмат менш. Хоць статыстыка не заўсёды адлюстроўвае рэальную сітуацыю, але яна насамрэч дакладная.

- Вы ведаеце, якая ўвага надаецца рабоце са зваротамі грамадзян. Прэзідэнт на Усебеларускім народным сходзе, звяртаючыся да парламента, сказаў: Мы павінны перш за ўсё ўважліва працаваць з людзьмі. Гэта быў асноўны яго пасыл у адносінах да дэпутацкага корпуса краіны. Гэта тычыцца не толькі парламента, але і ўсіх дэпутатаў. Уважлівае стаўленне, веданне праблем, чым жывуць людзі, якія пытанні неабходна вырашаць на тым ці іншым этапе нашага развіцця – гэта для нас асноватворнае.