04.09.2025

Начальнік аддзела рознічных продажаў ЦБП №219 у г. Лепелі Яўген Кузьміч сустрэўся з наведвальнікамі аддзяленняў дзённага знаходжання для грамадзян пажылога ўзросту і сацыяльнай рэабілітацыі, абілітацыі інвалідаў ТЦСАН Лепельскага раёна

Яўген Анатольевіч распавёў пра пілотны праект банка "Акадэмія клопату", дзе асаблівая ўвага нададзена правілам паводзінаў у сетцы, тэме, як зберагчы свае фінансы і не трапіцца на хітрыкі махляроў.

Удзельнікі ў рамках праекта знаёмяцца з правіламі бяспечнага карыстання банкаўскімі паслугамі, а таксама вучацца выбіраць фінансавыя інструменты і выкарыстоўваць сучасныя банкаўскія прадукты і тэхналогіі ў паўсядзённым жыцці.

Адна з галоўных задач праекта - пераадоленне няўпэўненасці пенсіянераў перад тэндэнцыямі імкліва змяняемага свету.

Прыемна адзначыць, што лепельчане таксама прымаюць удзел у дадзеным праекце.

Таксама ў наведвальнікаў адбылася душэўная і карысная гутарка з настаяцелем храма іконы Божай Маці "Уладзімірская" г. Лепеля іерэем Іаанам Вабішчэвічам.

Айцец Іаан распавёў пра значэнне святаў у жыцці праваслаўных хрысціян і пра сэнс святкуемых падзей для ўсяго чалавецтва. На канкрэтных прыкладах растлумачыў, наколькі важная вера ў жыцці чалавека, і што ўчынкі не павінны ісці насуперак з запаведзямі Божымі.

Сярод пытанняў прагучалі: ці можна пакідаць прадукты на могілках? Калі сніцца памерлы сваяк, што рабіць? Ці можна працаваць у рэлігійныя святы? і многія іншыя.